Upplýsingatækni

Markmið skólans er að vera í forystu um notkun upplýsingatækni í námi, kennslu og stjórnsýslu. Í því felst m.a. að

• í sem flestum námsgreinum kynnist nemendur tölvu- og upplýsingatækni sem öflugu hjálpartæki til innihaldsríkara náms.
• allir hafi greiðan aðgang að upplýsingum á innra neti skólans og komið verði á tryggum rafrænum boðleiðum meðal allra starfsmanna.

Leiðir skólans að þessum markmiðum felast einkum í markvissri endurmenntun kennara, stórbættum tækjakosti og stuðningi við þróunarstarf. Meðal annars skal:

• fara fram þarfagreining m.t.t. brýnustu endurmenntunar kennara,
• halda námskeið sérsniðin að þörfum MH-kennara,
• greiða götu kennara sem vilja sækja fyrirlestra og ráðstefnur,
• fá utanaðkomandi ráðgjafa til að vinna með kennurum,
• bjóða fastráðnum kennurum styrk til fartölvukaupa,
• þróa heimasíðu skólans sem gagnvirkt kennslu- og samskiptatæki,
• ætlast til þess að allir kennarar (og flestir aðrir starfsmenn) nýti tölvupóst,
• gera nemendum kleift að að nota eigin fartölvur í skólahúsnæðinu,
• efla og útvíkka þráðlausa tölvunetið þannig að það nái til alls skólahúsnæðisins,
• auka aðgengi nemenda að tölvum á bókasafni, Miðgarði og öðrum vinnusvæðum,
• fjölga færanlegum fartölvuverum,
• koma upp föstum búnaði í kennslustofum,
• skapa vettvang fyrir kennara til að ræða reglulega reynslu sína af fartölvunotkun, skiptast á þekkingu og íhuga tölvunoktun í samhengi við kennsluþróun í skólanum almennt.