jafnréttis- og samskiptaráðgjafi

Karen Ástudóttir Kristjánsdóttir er jafnréttis- og samskiptaráðgjafi MH.

Karen er nemendum og starfsfólki MH til ráðgjafar og stuðnings. Hún heldur utan um jafnréttisfræðslu fyrir nýnema og útskriftarefni, kemur að stefnumótun skólans í jafnréttismálum og tekur á móti ábendingum og athugasemdum.

Nemendur hafa kost á að leita til Karenar með tilkynningar í tengslum við ofbeldi, áreitni og óvelkomna hegðun í skólaumhverfinu. Hún fylgir þeim eftir í samráði við EKKO teymi skólans. Nemendur (og nemendaráð) eru hvött til þess að heyra í Karen ef þau eru með vangaveltur eða spurningar sem tengjast málaflokknum. Dæmi um slíkt er:

  • ráðgjöf um rétta notkun persónufornafna,
  • ráðgjöf þegar skólafélagi kemur út úr skápnum,
  • vangaveltur varðandi eigin kynhneigð eða kynvitund,
  • aðstoð vegna öráreitni, krefjandi skólafélaga eða kennara,
  • ráðgjöf um samþykki og mörk í kynferðislegum samskiptum,
  • aðstoð vegna mismununar í skólaumhverfinu.

Listinn er ekki tæmandi :) Það má líka kíkja á hana til þess eins að spjalla.

Öll samtöl eru trúnaðarsamtöl.

Nemendur geta bókað viðtal hér eða með því senda póst á netfangið karen@mh.is. Karen er við alla virka daga (nema miðvikudaga) milli kl. 8:30 og 13:30 og er staðsett í Fólkvangi - sem er innst á sama gangi og skrifstofur námsráðgjafa eru staðsettar.

Karen er menntuð í kynjafræði (MA) og stjórnmálafræði (BA) auk þess að vera með kennsluréttindi. Samhliða störfum sínum í MH stundar hún doktorsnám á Menntavísindasviði HÍ, rannsókn hennar fellur undir hinsegin- og fjölskyldumál.

Síðast uppfært: 19. ágúst 2024