Sjúkrapróf

Veikindi á prófdegi verður að tilkynna samdægurs, fyrir kl. 14:00, í gegnum Innu. Nauðsynlegt er að tilgreina heiti áfangans í athugasemd. Nemendur 18 ára og eldri skrá veikindin sjálf í gegnum sína Innu. Nemendur yngri en 18 ára geta ekki skráð veikindi í Innu sjálf heldur gera forsjáraðilar þeirra það í gegnum sína Innu.

Í lok hvers prófdags fer prófstjóri yfir skráðar veikindatilkynningar í Innu, staðfestir þær og veitir upplýsingar um sjúkraprófstíma. Staðfestingin sést í Innu viðkomandi nemenda og forsjáraðila og kemur einnig fram í tölvupósti. Prófstjóri hefur netfangið profstjori@mh.is og er með viðtalstíma milli 10 og 11 alla daga.

Sjúkrapróf eru gulmerkt á próftöflunni á heimasíðunni og hefjast í flestum tilfellum kl. 14:00. Athuga að þetta á ekki við um sjúkrapróf fyrir IB og Fjölnámsbraut.

Nemendur sem eru forfallaðir af öðrum orsökum en veikindum þurfa að hafa samband við skrifstofu skólans í síma 595-5200.