Listmenntabraut

LMB - Listmenntabraut

Nám á listmenntabraut er verklegt og bóklegt nám með áherslu á listir. Brautin skiptist í kjarna, bundið pakkaval, bundið áfangaval og frjálst val, samtals 205 einingar. Stúdentspróf af listmenntabraut veitir góðan undirbúning fyrir háskólanám í myndlist eða leiklist. Auk þess velur nemandi sér ýmsar listgreinar á móti myndlist eða leiklist sem styrkja viðkomandi fyrir frekara nám. Námið getur einnig verið góður undirbúningur fyrir nám í félags- og hugvísindum.

Nemendur velja á milli leiklistar eða myndlistar sem fyrstu listgrein, þ.e. 30 einingar. Nemendur velja einnig blöndu af áföngum sem tengjast listum á einn eða annan hátt, þ.e. 30 einingar. Á brautinni er auk þessara 60 eininga, skylda að taka 15 einingar í söguáföngum tengdum listum. Þetta eru t.d. SAGA3CR05, LIST2BL05, LIST3CB05, LIST3CE05 og listdanssöguáfangarnir sem eru á listdansbraut: LDSA2UÞ05 og LDSA3ÞD05.

Ýmsir áfangar koma til greina sem blanda af listgreinum (30 einingar):

Leiklist, myndlist, listdans, tónlistarnám (miðpróf og framhald) og kór MH.
Íslenskuáfangar tengdir listum eins og ÍSLE2BT05, ÍSLE3CL05, ÍSLE3DL05, ÍSLE3CR05, ÍSLE3CV05.
Enskuáfangar tengdir listum eins og ENSK3DK05, ENSK3DW05, ENSK3DG05, ENSK3DM05.
Ljósmyndun LJÓS2AD05.
Heimspeki HEIM2AO05 og HEIM2BF05.
Tölvunarfræði.
Söguáfangar sem tengjast listum eins og nefndir eru hér að ofan.
Frumkvöðlafræði ÞJÓÐ2AR05/2BR05.
Athugið að listinn er ekki tæmandi og í stöðugri endurskoðun - endilega leitið nánari upplýsinga hjá námsráðgjöfum eða námstjórum.

Brautin var stofnuð haust 2023 og er í mótun og mun taka breytingum.