AFRE2BA05 - Afreksíþróttaval

Staða áfanga:

Áfanginn er fyrir þá sem vilja ná langt í sinni íþróttagrein og skilgreina sig sem afreksíþróttafólk. Íþróttagreinin þarf að vera viðurkennd af Íþróttasambandi Íslands (ÍSÍ) og íþróttafélagið aðili að sérsambandi innan ÍSÍ.

Stutt lýsing á áfanganum:

Þeir sem sækja um nám við MH þurfa að geta þess á umsókn að þeir sæki um afreksíþróttaval.  Iðkun nemanda í afreksíþróttum getur numið allt að 25 einingum, þ.e. einingar í afreksíþróttum geta komið í stað eininga í líkamsræktaráföngum og frjálsu vali á brautum skólans, 10-25 einingar alls.
Nemendur sem sækja um afreksíþróttaval verða boðaðir á fund með fagstjóra í líkamsrækt í upphafi hverrar annar.

Nemendur þurfa að uppfylla ÖLL eftirfarandi atriði til þess að fá æfingar metnar til eininga:
  1. Skila inn umsóknareyðublaði.
  2. Skila inn umsögn/meðmælum frá þjálfara (má senda í tölvupósti á erla@mh.is).
  3. Mæta á 95% af æfingunum í íþróttagreininni.
  4. Mæta á einn fund eða fræðslu í mánuði í MH og/eða skila verkefnum því tengdu ef nemendur forfallast vegna keppni/æfinga.

Einingar: 5