LÍKA2AA01 - Byrjendaáfangi

Áfanginn inniheldur bóklegt og verklegt nám. Lögð er áhersla á fjölbreyttar þjálfunaraðferðir ásamt réttri líkamsbeitingu. Fjallað er um mikilvægi styrks fyrir stoðkerfi líkamans og á verklega og fræðilega þætti styrktarþjálfunar auk mikilvægi liðleika og liðleikaþjálfunar og áhrif þess á vöðva og liðamót.

Markmið er að fræða um forvarnargildi líkams- og heilsuræktar og neikvæð áhrif vímuefna á líkamann. Fræða nemendur um mikilvægi þess að hlúa að bættri andlegri, líkamlegri, jafnt og félagslegri vellíðan sinni til framtíðar.

 

Nokkur lykilhugtök áfangans: Hreyfing, þol, styrkur, liðleiki, hraði, snerpa, samvinna, skyndihjálp, forvarnir, andleg heilsa.

 

1. Mæting gildir 70%

2. Ástundun og kennaraeinkunn 30%.

 

Nemandi þarf að ná lágmarkseinkunn í báðum námsmatsþáttunum til að standast áfangann. Við mat á ástundun og kennaraeinkunn er tekið tillit til framfara, framkomu, vinnu og virkni í tímum og hvort nemendur hafa lagt sig fram um að bæta form sitt og líkamsástand.

 

Einingar: 1