Hinsegin fræðsla í Norðurkjallara

Þessa dagana er haldin hinsegin vika í MH. Af því tilefni verður fræðslukvöld í Norðurkjallara fimmtudaginn 17. september klukkan 19:30. Foreldrar og forráðamenn eru sérstaklega hvattir til að mæta.Þær Katrín Sigríður Steingrímsdóttir og Andrea Dagbjört Pálsdóttir, nemendur í MH og jafningjafræðarar hjá Samtökunum ´78, sjá um fræðsluna. Tilgangurinn með fræðslukvöldinu er að nemendur, foreldrar og starfsfólk fái betri innsýn í hinsegin flóruna og allan þann margbreytileika sem hún býður upp á. Tekið verður við spurningum eftir fræðsluna og á meðan henni stendur. Fræðslukvöldið er opið öllum.