Þýskuþraut

Við erum stolt af þessum nemendum og myndin sýnir verðlaunahafana ásamt þýska sendiherranum, Herbert Beck, sem afhenti verðlaunin við hátíðlega athöfn.

Á dögunum fór fram árleg þýskuþraut og tveir MH-ingar unnu þar til verðlauna, þau Breki Sigurðarson sem náði 4. sætinu og fær að launum tveggja vikna dvöl í Þýskalandi og Sylvía France Skúladóttir sem lenti í 14. sæti og fékk bókaverðlaun. Auk þess voru veitt verðlaun fyrir stuttmyndasamkeppni og þar varð framlag MH í fyrsta sæti. Verðlaunamyndin heitir "Meine Mutter im Schafstall", en höfundar hennar, Hekla Karen Alexandersdóttir og Snjólaug Vera Jóhannsdóttir hlutu bókaverðlaun.
Til hamingju öll.