Fréttir

Ein af þeim góðu gjöfum sem skólanum bárust á 50 ára afmælisdaginn 24. september var málverkið Leynigarðurinn eftir Georg Douglas myndlistarmann og fyrrum jarðfræðikennara MH. Gjöfin er frá fyrsta útskriftarárgangi og núverandi og fyrrverandi starfsmönnum MH. Verkið hangir á Miðgarði við inganginn að Miklagarði og auðvitað er best að njóta þess þar. Fyrir þá sem ekki eiga leið þar framhjá er hér mynd af verkinu.  Njótið!

Á heimasíðu Kvennasögusafnins má meðal annars lesa eftirfarandi um þennan líklega einn stærsta útifund Íslandssögunnar:„Allsherjarþing Sameinuðu þjóðanna ákvað að árið 1975 skyldi sérstaklega helgað málefnum kvenna. Íslensk kvennasamtök tóku höndum saman í upphafi árs 1975 til að skipuleggja aðgerðir ársins og héldu m.a. fjölsótta ráðstefnu í júní þar sem staða og kjör kvenna voru rædd og fjölmargar ályktanir og tillögur samþykktar. Meðal þeirra var tillaga frá Rauðsokkahreyfingunni þess efnis að konur tækju sér frí frá störfum á degi Sameinuðu þjóðanna, þann 24. október.“„Talið er að um 25.000 konur hafi safnast þar saman. Líklega er þetta einn stærsti útifundur Íslandssögunnar. Fjölmargir fundir voru haldnir um allt land sem voru einnig fjölsóttir. Langflestar konur lögðu niður störf þennan dag og atvinnulífið lamaðist.“Til hamingju með daginn!

Fimmtudaginn 20. og föstudaginn 21. október fara nemendur og starfsmenn skólans í haustfrí. Skólinn er lokaður þessa daga. Mánudaginn 24. október hefst kennsla aftur samkvæmt stundaskrá. Hafið það gott í haustfríinu!An Autumn break will be taken by students and school staff on Thursday the 20th and Friday the 21st of October. The school will also be closed. Teaching will resume at the usual time on Monday the 24th. Enjoy the Autumn break!

Nú eiga allir nemendur sem hyggja á áframhaldandi nám í MH á vorönn 2017 að hafa lokið vali. Ef ekki er síðasta tækifærið til hádegis í dag mánudag.

Allir nemendur sem ætla að stunda nám í skólanum á vorönn 2017 verða að velja áfanga fyrir næstu önn. Valið er bindandi og stendur frá 10.-14 október.  Þess vegna ættu allir að fara að huga að valinu, fara á heimasíðu skólans undir:  upplýsingar um val – áfangar og skoða ”áfanga í boði”, ”Leiðbeiningar fyrir val”  til að glöggva sig á framgangi valsins. Einnig eru á heimasíðunni sérstakar leiðbeiningar fyrir þá sem eru að velja í fyrsta skipti undir:Ábendingar um námsval eftir fyrstu önn. Leiðbeiningar um innslátt á vali eru í handbók forráðamanna á heimasíðu MH. Gott er að hafa próftöflu vorannar 2017 til hliðsjónar við val á áföngum fyrir vorið. It is high time to select courses for the spring term 2017 Starting October 10th you can enter the courses of your choice for next term. The last day to select is Friday October 14th. Áfangaframboð /available courses for the next term are soon to be seen on our homepage. Guide to course selection in IB. Nemendur verða skráðir í hóp hjá sérstökum valkennara í P-áfanga sem heitir VAL1001.   Þessi áfangi ásamt hópnúmeri og nafni valkennara, birtist með rauðu letri fyrir ofan stundatöfluna ykkar í Innu.  Þessi tiltekni valkennari verður ykkur innan handar við að velja ásamt því að sjá til þess að þið ljúkið að velja á réttum tíma.  Sláið sjálf inn valið ykkar.  Þegar þið hafið slegið inn valið sendið þá póst til valkennarans og skrifið bæði nafn og kennitölu þannig að valkennarinn viti hverjir hafi lokið við að slá inn valið. Auk þess verða námstjórar og áfangastjóri til viðtals fyrir alla nemendur um valið.

Valið hefst í byrjun næstu viku, þess vegna er tímabært fyrir nemendur að fara að huga að því. Hér er hægt að skoða áfangaframboð fyrir vorönn 2017. Course selection for next term will start next week. Now you can see what courses will be offered for your selection here. Courses offered spring 2017.

Foreldraráð þakkar ágæta mætingu 4. október og hér má lesa fundargerðina.Frá foreldraráði: Kæru foreldrar/forráðamenn. Aðalfundur foreldraráðs MH verður haldinn þriðjudaginn 4. október kl. 20-21:30 í stofu 11. Á dagskrá fundarins verður kynning á hlutverki og markmið foreldraráðs MH.  Fríður náms- og starfsráðgjafi og forvarnarfulltrúi, Andrea skólahjúkrunarfræðingur og Bóas sálfræðingur munu kynna stoðþjónustu skólans. Boðið verður upp á köku og kaffi og við fáum tækifæri til þess að spjalla saman. Að lokum mun Fríður leiða okkur um skólann þar sem við fáum tækifæri til þess að kynnast hvernig vinnustaður barnanna okkar lítur út að innan. Við hvetjum alla foreldra og forráðamenn til að mæta. Fyrir hönd foreldraráðsins, Helga Viðarsdóttir.

Sunnudaginn 25. september verður haldið Skákmót í minningu Guðmundar Arnlaugssonar, fyrsta rektors skólans. Mótið er á Miklagarði, hátíðarsal skólans, og er haldið í samvinnu við Skáksamband Íslands. Tefldar verða 11 umferðir með umhugsunartímanum 4+2. Skákmótið hefst kl. 14:00 og er öllum áhugasömum boðið að koma og fylgjast með!

Kl. 14:00 - 16:00 - Opið hús! Finndu borðið þitt, skoðaðu leynistaðina og hittu alla hina sem líka voru í MH. Leiðsögn um skólann, sögusýningar, kíkt í kennslustund og óvæntar uppákomur þegar minnst varir.   Kl. 16:00 - 17:00 - Hátíðadagskrá á Miklagarði.  Ávarp rektors Lárusar H. Bjarnasonar. Kór Menntaskólans við Hamrahlíð syngur. Ögmundur Skarphéðinsson arkitekt rekur byggingasögu skólans í máli og myndum Wincie Jóhannsdóttir kennari og leiðsögumaður segir frá MH. Skólinn minn - Eiríkur Tómasson fulltrúi fyrsta árgangs skólans og Katrín Helga Ólafsdóttir nýstúdent ræða saman um skólann sinn. Sagt verður frá undirbúningi að stofnun nemendasambands Menntaskólans við Hamrahlíð. Selma Guðmundsdóttir píanóleikari leikur á flygilinn sem hún vígði á fyrsta starfsári skólans. Gjöf frá fyrsta árgangi MH og fyrrverandi- og núverandi starfsmönnum skólans afhjúpuð á Miðgarði. Kl. 17:00 - 18:00 - Kaffi og kökur á Miðgarði.  kl. 20:00 - 22:00 - Tónleikar á Miklagarði þar sem núverandi og fyrrverandi nemendur MH stilla saman strengi og desibel. Fram koma Ragnheiður Gröndal, Pjetur og Úlfarnir, Svavar Knútur, Unnur Sara Eldjárn, Karl Olgeirsson, asdfgh, Snorri Helgason, Högni Egilsson, Páll Óskar og MH-húsbandið.

Í vikunni 19. - 23. september brjótum við upp hefðbundið skólastarf. Nemendur og kennarar mæta einu sinni í hvern áfanga þessa viku og þá í lengdan langan tíma. Í tilefni 50 ára afmælis skólans verður þetta kerfi aðeins brotið upp og í samráði við kennara gefst nemendum möguleiki á því að mæta á fyrirlestra í boði fyrrum nemenda skólans. Nemendur staðfesta þátttöku í fyrirlestri/viðburði með því að skila miðum í hólf kennara.  Fyrirlestradagskrá - Aftur til framtíðar má nálgast hér og stofur sjást hér á skólaskjá. Hver hópur í áfanga er því annað hvort í: einum löngum tíma 2 ½ klst. (byrjar 8:30 eða 13:30) og einum fyrirlestri/viðburði eða einum löngum tíma í 3 ½ klst. (byrjar 8:30 eða 12:30). Tími MÁN ÞRI MIÐ FIM FÖS 8:30 til 11:00   Kennari og stofa skv. tíma kl. 8:10 Kennari og stofa skv. tíma kl. 8:10 Kennari og stofa skv. tíma kl. 8:10 Kennari og stofa skv. tíma kl. 8:10 11:15   Fyrirlestrar  Fyrirlestrar  Fyrirlestrar  Fyrirlestrar  12:00 Fyrirlestrar  Fyrirlestrar  Fyrirlestrar  Fyrirlestrar  Fyrirlestrar  12:45 Fyrirlestrar  Fyrirlestrar  Fyrirlestrar  Fyrirlestrar  Fyrirlestrar  13:30 til 16:00 Kennari og stofa skv. tíma kl. 14:15 Kennari og stofa skv. tíma kl.14:15 Kennari og stofa skv. tíma kl. 14:15 Kennari og stofa skv. tíma kl. 14:15         KL. 20:00 Leiktu þér enn eða hvað? KL. 20:30 Hamraskáldin