Fréttir

Aðgangi allra nemenda að Innu var lokað í júní vegna vinnu við stundatöflur. Stundatöflur þeirra nemenda sem greitt hafa skólagjöldin verða aðgengilegar upp úr miðjum ágúst. Nánari upplýsingar verða hér á heimasíðunni þegar nær dregur. Inna has been closed and will open again to those that have paid the school tuition when individual timetables are ready around the middle of August. More information here around the middle of August. Nýnemar eiga að mæta á fund rektors á Miklagarði, hátíðarsal skólans, fimmtudaginn 21. ágúst kl. 13:00 stundvíslega. All new students are required to attend a meeting with the school principal on Thursday, August 21st at 1 pm in the school auditorium. Kennsla hefst samkvæmt stundaskrá föstudaginn 22. ágúst. Teaching will start according to timetables on Friday, August 22nd. Hafið það gott í sumar og sjáumst hress í haust! Have a nice summer holiday!

Umsóknarfresti nemenda sem ljúka grunnskóla í vor lýkur á miðnætti 10. júní. Sótt er um á Menntagátt http://www.menntagatt.is/.

Umsóknarfresti eldri nemenda þ.e. þeirra sem eru að koma úr öðrum framhaldsskólum lýkur á miðnætti laugardaginn 31. maí. Sótt er um á Menntagátt www.menntagatt.is.

Einkunnir eru aðgengilegar í Innu eftir kl. 12:00  mánudaginn 26. maí. Dagskrá staðfestingardags þriðjudaginn 27. maí: Viðtalstímar valkennara dagskóla verða frá 9:00 - 11:00 Prófasýning dagskóla og öldungadeildar verður frá 11:15 - 12:15. Nemendur eru hvattir til þess að nýta sér þetta tækifæri til þess að skoða prófin.  Staðfestingu á vali dagskólanema þarf að vera lokið kl. 14:00 og skila þarf inn P-umsóknum fyrir kl. 11:30. Hér eru nánari leiðbeiningar fyrir staðfestingu vals. Hér er listi yfir áfanga í boði á haustönn og listi yfir áfanga sem falla niður.

Í dag voru 177 stúdentar brautskráðir frá skólanum. Til hamingju með daginn stúdentar!

Útskriftarefni eiga að mæta á útskriftaræfingu laugardaginn 24. maí kl. 18:00 á Miklagarð hátíðarsal skólans. Æfingin tekur um klukkustund. Þau sem alls ekki geta mætt þurfa að láta Pálma áfangastjóra vita fyrir æfingu.

Hin árlega "Frönskukeppni framhaldsskólanna og franska sendiráðsins" var haldin nú í vor. Þemað var "frönsk tónlist og ég". Nemendur skiluðu inn myndbandi þar sem þau sögðu frá því hvernig frönsk tónlist hefur fléttast inn í líf þeirra. Alls tóku 5 skólar þátt. Verðlaunahafar voru tveir og var annar þeirra MH-ingurinn Sigrún Perla Gísladóttir. Hún hlaut að verðlaunum þátttöku í menningartengdu námskeiði í sumar í París, ferð og uppihald að sjálfsögðu í boði franska ríkisins. Til hamingju Sigrún Perla!

Útskriftarefni munu kveðja skólann í dag með skemmtun á sal kl. 13:50. Að skemmtun lokinni býður skólinn útskriftarefnum og kennurum í dimissjónkaffi í Útgarði. Gangi ykkur vel í prófum og próflestri dimitantar!

Helstu breytingar á almanaki að afloknu verkfalli eru þessar: Bætt er við kennsludegi þriðjudaginn 22. apríl og kennt eins og um fimmtudag sé að ræða. Bætt er við kennsludögum 2., 5., 6. og 7. maí. Fyrsti prófdagur verður föstudagurinn 9. maí. Gert er ráð fyrir prófum laugardagana 10. og 17. maí. Síðasti prófdagur verður þriðjudaginn 20. maí. Útskrift verður sunnudaginn 25. maí kl. 14:00. Prófasýning og staðfesting á vali verður þriðjudaginn 27. maí. Það mun reyna mikið á nemendur og kennara á næstunni við að ljúka önninni á þeirri hraðferð sem við blasir. Gott skipulag, einbeitni og dugnaður mun ráða mestu um hvernig til tekst. Upplýsingar um breytta próftöflu og fleira þvi tengdu koma síðar.

Sumardaginn fyrsta, fimmtudaginn 24.apríl, halda kórarnir í Hamrahlíð undir stjórn Þorgerðar Ingólfsdóttur upp á sumarkomu með skemmtun í hátíðarsal Menntaskólans við Hamrahlíð. Kórfélagar vilja hressa fólk með góðri blöndu af vorvítamíni eftir kennaraverkfall og heldur rysjótta tíð. Kórfélagar, sem eru 118 talsins nú í lok vorannar, halda tvenna tónleika. Þeir fyrri hefjast kl.14.00 og hinir seinni um kl.16.00. Á milli tónleikanna og á eftir verða seldar kaffiveitingar en ágóði af sölu veitinga renna í ferðasjóð Hamrahlíðarkóranna. Þá verða ýmis skemmtiatriði og uppákomur m.a. hljóðfæraleikur og hljóðfærastofa, bangsa- og dúkkuspítali, vísinda- og tilraunastofa, skátahorn, hárgreiðsla og andlitsmálun, ljósmyndastofa og fatamarkaður.. Aðgangur er ókeypis og allir eru hjartanlega velkomnir að syngja inn vorið með kórunum í Hamrahlíð. Efnisskrár tónleikanna eiga að vekja með öllum vorhug og sumargleði....