Fréttir

Nemendur athugið. Próftafla ykkar er nú aðgengileg á Innu. Nemendur mega sækja um að hliðra próftöflu sinni ef: Tvö próf eru á sama tíma Þrjú próf eru á sama degi Ef tvö löng próf, lengri en ein klukkustund hvort próf, eru á sama degi. Ekki er leyft að breyta próftöflu vegna ferðalaga! Nemendur sem uppfylla ofangreind skilyrði geta sent Guðmundi Arnlaugssyni prófstjóra (profstjori@mh.is) tölvupóst fyrir föstudaginn 8. nóvember. Guðmundur Arnlaugsson prófstjóri, gud@mh.is

Val fyrir vorönn 2011 hefur verið opnað. Valið stendur til 27. október.  Áfangar/upplýsingar fyrir valið og áfangaframboð hefur verið sett á hér á heimasíðuna. Hér er upprifjun á því hvernig þetta er gert í Innu. Allir sem verða í dagskóla á næstu önn eiga að velja í Innu. Látt þú ekki þitt eftir standa!

Nú er hægt að skrá sig í stöðupróf sem haldin verða um mánaðamótin nóvember/desember. Nánari upplýsingar í stikunni hér til vinstri.

Í dag er alþjóðadagur kennara. Hann er haldinn hátíðlegur til að vekja athygli á mikilvægi menntunar og skólagöngu. - Hrósaðu kennurunum þínum eða gleddu þá með öðrum hætti. :-)  

Föstudaginn 15. okt. og mánudaginn 18. okt. er haustfrí í MH. Þá er löng helgi og nemendur, kennarar og annað starfsfólk endurhlaða  batteríin og takast að því loknu endurnærð á við seinni hluta annarinnar.

Í dag eru tæplega 200 nemendur og 4 kennarar í ÍSL303 á ferð um slóðir Njálu.

Foreldrar og forráðamenn nýnema fjölmenntu á kynningarkvöld hér í MH síðastliðið fimmtudagskvöld. Eftir að hafa hlýtt á ávörp Lárusar H. Bjarnasonar rektors og Lindu Bjarkar Ólafsdóttur formanns foreldraráðs fengu gestir að njóta söngs Kórs Menntaskólans við Hamrahlíð. Svo var farið í kennslustofur með umsjónarkennurum, fræðst um kerfið hér í MH og skipst á skoðunum. Að öllu þessu loknu var sameinast í kafffi og kökum á Miðgarði. Hlaðborðið sem kórinn bauð upp á (gegn vægu gjaldi) var eins og í almennilegri fermingarveislu og með góðgæti á diski og kaffi í bolla urðu umræður fjörugar og skemmtilegar. Kærar þakkir til allra sem komu og gerðu kvöldið fræðandi og skemmtilegt.

Samkvæmt vefkönnun hér á heimasíðu skólans ferðast tæpur helmingur nemenda í skólann með strætó, um fimmtungur kemur gangandi eða hjólandi og þriðjungur nýtir einkabílinn.  

Nemendur MH stóðu sig frábærlega í úrslitum í alþjóðlegu ólympíukeppnunum í efnafræði og eðlisfræði sem haldin voru í sumar.  Keppnin í efnafræði var haldin í Japan og þar náði Árni Johnsen bronssæti.  Keppnin í eðlisfræði var haldin í Króatíu og þar náði Sigtryggur Hauksson bronssæti.    Við óskum þeim til hamingju með frábæran árangur.  

Föstudaginn 20. ágúst kl. 13:00 allir nýnemar boðaðir í skólann á fund með rektor, stjórnendum, námsráðgjöfum og kennurum. Friday August 20st at 1 pm: A meeting will be held for new students together with the principal, administrators  school counselors and teachers.