Fréttir

Valvika stendur yfir til 17. mars. Upplýsingar um námsframboð er að finna á heimasíðu skólans. Föstudaginn 14. mars er valtími fyrir nemendur þar sem hægt er að hitta umsjónarkennara til að fá aðstoð við valið.

Takk öll sem komuð í heimsókn í dag á opið hús. Gestrisnir MH-ingar sýndu ykkur húsnæðið okkar, leikfélagið sýndi brot úr Diskóeyjunni sem verður frumsýnd 14. mars og nemendaráðin tóku ykkur opnum örmum á Matgarði. Kennarar og nemendur sýndu ykkur kræsingarnar á áfangahlaðborðinu okkar og dansarar og söngvarar sýndu listir sínar eins og þeim einum er lagið. Það var ótrúlega gaman að taka á móti ykkur, takk fyrir komuna.

Miðvikudaginn 12. mars verður Karen með námsbókahitting þar sem nemendum býðst að koma með námsefnið sitt og skoða það með jafnréttisgleraugum. Hittingurinn er hannaður í anda frelsandi menntunarfræða - með rödd nemenda að leiðarljósi. Hugsunin er þannig að veita nemendum vettvang til þess að ræða þessi mál og styðja við þeirra gagnrýnu hugsun.

Geir Finnsson, enskukennari við MH, ræddi um notkun gervigreindar í skólastarfi í Kastljósi, fimmtudaginn 27. febrúar.

Undanfarna mánuði hefur verið unnið að gerð nýs kynningarmyndbands fyrir okkur í MH. MH-ingar voru mjög viljugir að taka þátt og sýna þar með hversu vænt þeim þykir um skólann sinn. Kynningarmyndbandið gerði Bjarki Jóhannsson kvikmyndagerðarmaður og þökkum við honum og öllum sem tóku þátt, kærlega fyrir. Endilega kíkið á myndbandið.

Guðmund­ur Flóki Sig­ur­jóns­son, MH-ingur vann til verðlauna um helg­ina á rúm­lega 800 manna alþjóðlegu taekwondo­móti sem fram fór í Slóven­íu. Mótið gild­ir til stiga á heimslist­an­um. Kepp­end­ur Íslands voru þrír að þessu sinni; þau Ingi­björg Erla Grét­ars­dótt­ir og Leo Ant­hony Speig­ht sem kepptu í full­orðins­flokki og svo Guðmund­ur Flóki Sig­ur­jóns­son sem keppti í ung­linga­flokki. Þetta er fyrsta mótið sem liðið fer á und­ir stjórn nýs landsliðsþjálf­ara, Rich Fair­hurst, sem kem­ur yfir frá breska landsliðinu.

Vetrarfrí verður í MH mánudaginn 24. febrúar og þriðjudaginn 25. febrúar. Skrifstofan verður lokuð og vonumst við til að þið öll njótið frísins og komið fersk til baka og tilbúin í seinni hluta annarinnar. 

Opið hús fyrir fyrir 10. bekkinga og fjölskyldur sem vilja kynna sér lífið í MH. Kynningar á námsframboðinu í skólanum verða á Miklagarði og Miðgarði og verður hægt að spjalla við nemendur, kennara, námsráðgjafa og stjórnendur um allt sem ykkur dettur í hug. Hver námsgrein mun vera með sinn kynningarbás og sýna sínar allra bestu hliðar t.d. hvaða efni er verið að kenna, hvaða bækur er verið að nota og hvernig verkefni er verið að leysa. Nemendur skólans bjóða upp á kynnisferðir um skólann og á Matgarði vera ráðin í NFMH með kynningar á starfseminni sinni. Nánari dagskrá kemur síðar. Endilega kíkið í heimsókn og við tökum vel á móti ykkur.

Mánudaginn 10. febrúar flutti Helga Jóhannsdóttir konrektor sig yfir á skrifstofu rektors til að gegna því embætti næsta árið. Guðmundur Arnlaugsson IB-stallari sá sér þá leik á borði og flutti úr skrifstofunni sinni á skrifstofu konrektors og mun leysa Helgu af næsta árið. Þar með losnaði stóll IB-stallara og Alda Kravec enskukennari sló til og flutti á skrifstofu IB-stallara. Helgu, Guðmundi og Öldu óskum við öllum góðs gengis og erum spennt að fylgjast með þeim á nýjum vígstöðvum.

MH-ingar báru sigur úr býtum í Morfís á móti MR-ingum í átta liða úrslitum 11. febrúar síðastliðinn. Lið MH skipa þau Hekla Gná Tjörvadóttir, Illugi Vilhelmsson, Auður Salka Ríkarðsdóttir og Saga Evudóttir Eldarsdóttir. Ræðumaður kvöldsins var Hekla Gná og óskum við henni og liðinu innilega til hamingju.