Fréttir

Á morgun er dagur íslenskrar tungu og af því tilefni var hringt á sal í dag. Kór skólans opnaði dagskrána með söngnum Smávinir fagrir, texti eftir Jónas Hallgrímsson, undir stjórn Hreiðars Inga Þorsteinssonar. Næst sagði Hildur Ýr íslenskukennari nokkur orð um Jónas Hallgrímsson og hans áhuga á íslenskri tungu og benti á að það býr Jónas í okkur öllum. Nemendur og kennarar sungu svo saman tvö lög við undirleik Sigurkarls Stefánssonar líffræðikennara og Bóasar Valdórssonar Sálfræðings. Takk fyrir notalega stund.

Nemendur MH skemmtu sér vel á grímuballi sem haldið var í Austurbæ í gær. Gaman að sjá alla grímuklædda og í góðum gír.

Árlega býður Menntaskólinn við Hamrahlíð upp á stöðupróf í norsku og sænsku. Hlutverk stöðuprófanna er að meta þekkingu, hæfni og leikni próftaka í viðkomandi tungumáli. Stöðuprófin í norsku og sænsku eru fyrir nemendur sem hafa lokið grunnskólaprófi í viðkomandi máli eða eru að ljúka prófum úr 10. bekk. Prófin verða haldin laugardaginn 4.maí kl. 10:00. Nánari upplýsingar er að finna á heimasíðu skólans.

MH varð í öðru sæti í leihússportkeppni framhaldsskólanna, „Leiktu betur“ sem fór fram í Borgarleikhúsinu mánudaginn 4. nóvember. Keppnin er haldin árlega á vegum Hins hússins. Sex lið frá sex framhaldsskólum kepptu: þ,e, frá Borgarholtsskóla, Flensborg, Fjölbrautarskólanum í Breiðholti, Fjölbrautarskólanum í Garðabæ, Menntaskólanum á Akureyri og Menntaskólanum við Hamrahlíð Lið MH sigraði „Sleiktu hnetur“ sem er árleg leikhússportkeppni MH og fór fram í Norðukjallara miðvikudagskvöldið 30. október. Lið MH skipuðu Áslaug María Þórsdóttir Dungal, Hera Lind Birgisdóttir, Júlía Karín Kjartansdóttir og Katrín Lóa Hafsteinsdóttir. Við óskum þeim innilega til hamingju með árangurinn.

Eins og áður hefur komið fram er innritun í framhaldsskóla landsins fyrir vorönn 2020 hafin. Þar er MH í raunheimum engin undantekning. Í fréttablaðinu í dag má lesa að ný útgáfa af MH hafi litið dagsins ljós í sýndarveruleika en því miður getum við ekki tekið á móti umsóknum í þann skóla, þó það gæti verið skemmtilegt. Til hamingju Björn Ingi Baldvinsson með skólann þinn, bæði í raunheimum og sýndarveruleika.

Opið er fyrir umsóknir um nám á vorönn 2020 frá 1.-30. nóvember. Tekið er á móti umsóknum inn á eftirfarandi námsbrautir: Félagsfræðabraut, opin braut, náttúrufræðibraut, málabraut, listdansbraut og tónlistarbraut. Sækja þarf um í gegnum menntagatt.is

Nemendur athugið. Próftafla ykkar er nú aðgengileg í Innu og þið getið sótt um að hliðra próftöflunni ykkar á heimasíðu skólans ef ákveðin skilyrði eru uppfyllt.

Fimmtudaginn 24. er námsmatsdagur og föstudaginn 25. október er haustfrí. Nemendur fá frí frá kennslu báða þessa daga. Skólinn er lokaður báða þessa daga. Mánudaginn 28. október hefst kennsla aftur samkvæmt stundaskrá. Hafið það gott í haustfríinu! An Autumn break will be taken by students on Thursday the 24th and Friday the 25th of October. The school will also be closed. Teaching will resume at the usual time on Monday the 28th. Enjoy the Autumn break!

Hafragrauturinn er kominn til baka eftir Októberlotuna. Hafragrautur er spónamatur og grautartegund. Hann er eldaður með því að sjóða saman valsaða hafra og vatn og oftast er salti bætt við til að auka bragð. Meira má lesa um hafragraut á Wikipedia.

Í dag kemur Snærós Sindradóttir og tala við okkur um það hvernig ungt fólk neytir menningar og afþreyingarefnis og hvernig fjölmiðlar gætu farið að því að tortíma sjálfum sér. Áhugavert og gaman að komast að því.