Fréttir

Innritun nýrra nemenda í dagskóla fyrir vorönn 2013 hefst 1. nóvember og stendur til 23. nóvember. Innritun fer fram á http://www.menntagatt.is/

Gekkst þú frá valinu þínu?

Fundurinn verður haldinn í stofu 11 kl 17:30 í MH í dag þriðjudaginn 16. okt. og hefst hann með kaffi og meðlæti í boði skólans. Á dagskrá er: 1. Skýrsla stjórnar fyrir veturinn 2011 til 2012. 2. Kosning nýrrar stjórnar. 3. Önnur mál. Eftir áfyllingu á kaffið mun Sigurlaug Hauksdóttir, félagsráðgjafi hjá Embætti Landlæknis, flytja okkur fræðsluerindi undir yfirskriftinni "Hver er staða kynheilbrigðis meðal ungs fólks? Geta foreldrar bætt um betur?

Nú er gott að fara að huga að vali fyrir vorönn 2013 sem hefst næsta mánudag 8. október og lýkur viku síðar.   Hér má nálgast lista yfir þá áfanga sem í boði verða og  hér má sjá leiðbeiningar fyrir val.

Bleiki dagurinn 2012 Klæðumst bleiku sem tákni um samstöðu í baráttunni gegn krabbameini hjá konum!

Lífshlaup framhaldsskólana hefst í dag miðvikudaginn 3. október. Við hvetjum alla MH-inga, nemendur og starfsfólk til þess að taka þátt og skrá inn árangur sinn jafnt og þétt.   Hér getið þið skráð ykkur og gengið til liðs við skólann.  Ítarlegri leiðbeingar eru hér. Koma svo MH-ingar! 

Foreldrar og forráðamenn nýnema fjölmenntu á kynningarkvöld hér í MH síðastliðið fimmtudagskvöld. Eftir að hafa hlýtt á ávörp Lárusar H. Bjarnasonar rektors og Halldóru Bjartar Ewen íslenskukennara fengu gestir að njóta söngs Kórs Menntaskólans við Hamrahlíð. Svo var farið í kennslustofur með umsjónarkennurum, fræðst um kerfið hér í MH og skipst á skoðunum. Að öllu þessu loknu var sameinast í kafffi og kökum á Miðgarði. Hlaðborðið sem kórinn bauð upp á var eins og í almennilegri fermingarveislu og með góðgæti á diski og kaffi í bolla urðu umræður fjörugar og skemmtilegar. Kærar þakkir til allra sem komu og gerðu kvöldið fræðandi og skemmtilegt.

Á hverju hausti er foreldrum nýrra nemenda sent fréttabréf með ýmsum hagnýtum upplýsingum og hugleiðingum frá stjórnendum, kennurum og nemendum. Ritstjórar eru Ragnhildur Richter og Steingrímur Þórðarson íslenskukennarar. Í nýju Fréttabréfi til foreldra og forráðamanna nýnema er boðað til kynningarfundar í skólanum 27. september nk. kl. 20:00 - 21:30. Í bréfinu gefur að líta dagskrá kynningarfundarins en þar eru einnig stuttir pistlar til hugleiðingar fyrir nemendur og forráðamenn þeirra. Jafnframt eru þar ýmsar hagnýtar upplýsingar um skólann. Introductory evening for parents and guardians –Dear parents or guardians of new students attending MH, The school administration wishes to welcome you to an introductory gathering in the school on Thursday, September 27th 2012 from 8 pm to 9:30 pm. We look forward to collaborating with you in the education of the young people who are beginning their studies in MH.

Lífsleikniferðin til Þingvalla er í dag, miðvikudag. Í ferðinni eru rúmlega 200 nemendur og 8 kennarar í 5 rútum. Farið var frá skólanum kl. 8:15 í yndislegu haustveðri.

Skráningu í stöðupróf 13. september er lokið. Stöðupróf í albönsku, bosnísku, eistnesku, filipísku, finnsku, grísku, hollensku, japönsku, kínversku, króatísku, litháísku, portúgölsku, pólsku, rússnesku, serbnesku, slóvensku, taílensku, tékknesku, tyrknesku, Twi, ungversku, úkraínsku og víetnömsku verða öll haldin 13.september 2012 kl. 16:00. Registration for Placement tests has finished. Placement tests in Albanian, Bosnian, Chinese, Croatian, Czech, Dutch, Estonian, Filipino, Finnish, Greek, Hungarian, Japanese, Lithuanian, Portugese, Polish, Russian, Serbian, Slovenian, Thai, Turkish, Twi, Ukranian and Vietnamese will all be held on  September 13th  2012  at  4 pm.