Fréttir

Foreldrar og forráðamenn nýnema fjölmenntu á kynningarkvöld hér í MH síðastliðið fimmtudagskvöld. Eftir að hafa hlýtt á ávörp Lárusar H. Bjarnasonar rektors og Halldóru Bjartar Ewen íslenskukennara fengu gestir að njóta söngs Kórs Menntaskólans við Hamrahlíð. Svo var farið í kennslustofur með umsjónarkennurum, fræðst um kerfið hér í MH og skipst á skoðunum. Að öllu þessu loknu var sameinast í kafffi og kökum á Miðgarði. Hlaðborðið sem kórinn bauð upp á var eins og í almennilegri fermingarveislu og með góðgæti á diski og kaffi í bolla urðu umræður fjörugar og skemmtilegar. Kærar þakkir til allra sem komu og gerðu kvöldið fræðandi og skemmtilegt.

Á hverju hausti er foreldrum nýrra nemenda sent fréttabréf með ýmsum hagnýtum upplýsingum og hugleiðingum frá stjórnendum, kennurum og nemendum. Ritstjórar eru Ragnhildur Richter og Steingrímur Þórðarson íslenskukennarar. Í nýju Fréttabréfi til foreldra og forráðamanna nýnema er boðað til kynningarfundar í skólanum 27. september nk. kl. 20:00 - 21:30. Í bréfinu gefur að líta dagskrá kynningarfundarins en þar eru einnig stuttir pistlar til hugleiðingar fyrir nemendur og forráðamenn þeirra. Jafnframt eru þar ýmsar hagnýtar upplýsingar um skólann. Introductory evening for parents and guardians –Dear parents or guardians of new students attending MH, The school administration wishes to welcome you to an introductory gathering in the school on Thursday, September 27th 2012 from 8 pm to 9:30 pm. We look forward to collaborating with you in the education of the young people who are beginning their studies in MH.

Lífsleikniferðin til Þingvalla er í dag, miðvikudag. Í ferðinni eru rúmlega 200 nemendur og 8 kennarar í 5 rútum. Farið var frá skólanum kl. 8:15 í yndislegu haustveðri.

Skráningu í stöðupróf 13. september er lokið. Stöðupróf í albönsku, bosnísku, eistnesku, filipísku, finnsku, grísku, hollensku, japönsku, kínversku, króatísku, litháísku, portúgölsku, pólsku, rússnesku, serbnesku, slóvensku, taílensku, tékknesku, tyrknesku, Twi, ungversku, úkraínsku og víetnömsku verða öll haldin 13.september 2012 kl. 16:00. Registration for Placement tests has finished. Placement tests in Albanian, Bosnian, Chinese, Croatian, Czech, Dutch, Estonian, Filipino, Finnish, Greek, Hungarian, Japanese, Lithuanian, Portugese, Polish, Russian, Serbian, Slovenian, Thai, Turkish, Twi, Ukranian and Vietnamese will all be held on  September 13th  2012  at  4 pm.

Hér má nálgast leyfisbréf fyrir busaferð um þessa helgi.

Vegna breytinga á námskrá eru ný áfangaheiti á fyrstu áföngum í sumum greinum. Nemandi sem t.d. valdi ÍSL1036 er nú skráður í ÍSLE2LR05 og eru þessir áfangar jafngildir og með jafn margar einingar þ.e. 3. Hér er listi yfir áfanga sem fengið hafa ný heiti.

Ef þú hefur lokið a.m.k. 17 einingum á síðustu önn og verið með 9 eða 10 í mætingu getur þú e.t.v. fengið viðbótaráfanga í töfluna þína. Umsóknareyðublað og yfirlit yfir lausa áfanga er við st. 34 (undir skjánum).

Innritun í öldungadeildina stendur yfir. Smellið hér til að innrita ykkur. Kennsla fyrri lotu hefst skv. stundaskrá miðvikudaginn 22. ágúst.

Að loknu sumarleyfi var skrifstofan opnuð kl. 10:00 mánudaginn 13. ágúst . Aðgangi allra nemenda að Innu hefur verið lokað. Stundatöflur þeirra nemenda sem greitt hafa skólagjöldin verða aðgengilegar upp úr miðjum ágúst. Nánari upplýsingar verða hér á heimasíðunni þegar nær dregur. Stöðupróf verða haldin 16. til 20. ágúst og er skráning hafin. Kennarafundur verður kl. 10:00 þriðjudaginn 21. ágúst. Nýnemar eiga að mæta á fund rektors á Miklagarði, hátíðarsal skólans, þriðjudaginn 21. ágúst kl. 13:00 stundvíslega. Kennsla hefst samkvæmt stundaskrá miðvikudaginn 22. ágúst

Bréf frá MH var sett í póst fimmtudaginn 21. júní. Greiðsluseðill fyrir innritunargjöldum birtist sama dag í heimabanka forráðamanns og gildir greiðsla hans sem staðfesting á skólavist. Velkomnir nýnemar!