Fréttir

Próftaflan er komin á vefinn og í Innu og þurfa nemendur að skoða hana vel. Kennarar munu gefa allar nánari upplýsingar þegar nær dregur. Bréf verður sent út til allra frá prófstjóra MH og náms- og starfsráðgjöfum um fyrirkomulag prófanna.

Í dag er dagur íslenskrar tungu og honum bera að fagna. Af því tilefni höfum við í gegnum árin gert okkur dagamun eins og með söngstund á sal og upplestri úr bókum eftir íslenska rithöfunda. Í ár má skoða framlag íslenskukennara rafrænt bæði hér og á facebook-síðu skólans. Til hamgju með daginn.

Kennsla næstu tvær vikur verður áfram með sama fyrirkomulagi og hefur verið þ.e. stafræn kennsla. Núverandi sóttvarnarreglur útiloka að hægt sé að taka á móti nemendum eins og við vorum að vona, þar sem blöndun milli hópa er ekki í samræmi við sóttvarnarreglur. Það þýðir að nemendur mega ekki hitta tvo mismunandi hópa innan hvers dags eða milli daga. Áfram verður samt hægt að taka á móti smærri hópum þar sem engin blöndun á sér stað, t.d. í IB þar sem er bekkjarkerfi og nemendur eru alltaf með sama hópnum. Einnig hefur verið ákveðið að lokapróf í desember verði rafræn og ekki í húsi, að undanskildum prófum í IB sem fara fram innan veggja MH. Þessi ákvörðun er tekin í samræmi við sóttvarnarreglur. Sjá nánar í bréfi sem sent var á alla nemendur í dag. Prófstjóri og náms- og starfsráðgjafar munu senda út leiðbeiningar varðandi lokaprófin og umgjörð þeirra.

Stærðfræðikeppni framhaldsskólanema er árlegur viðburður og fór forkeppni hennar fram rafrænt 13. október síðastliðinn. Á neðra stigi kepptu þeir sem hófu nám við framhaldsskóla í haust, en aðrir kepptu á efra stigi. Þeim sem hafna efst í forkeppninni, 20 á neðra stigi og 25 á efra stigi, er boðið að taka þátt í úrslitakeppni Stærðfræðikeppni framhaldsskólanema sem fer fram í mars. Á neðra stigi kepptu 32 nemendur og af þeim voru tveir úr MH og hafnaði Helga Valborg Guðmundsdóttir í 15. sæti. Á efra stigi kepptu 76 nemendur og af þeim voru 19 úr MH. Efstir voru: Oliver Sanchez í 5. sæti, Bragi Þorvaldsson í 12.-13. sæti, Hálfdán Ingi Gunnarsson í 15. sæti, Flosi Thomas Lyons í 20. – 22. sæti, Matthildur Dís Sigurjónsdóttir og Andrés Nói Arnarsson lentu í 23.-25. sæti. Óskum við þeim öllum til hamingju með árangurinn. Nánar má lesa um keppnina hér.

Nýlega voru gefnar út hertar sóttvarnarreglur og í ljósi þeirra verður kennsla áfram með sama hætti og síðustu vikur, þ.e. kennt gegnum rafrænt kennsluumhverfi skólans. Núverandi reglur gilda til og með 17. nóvember og komi til breytinga á kennslufyrirkomulagi þá verða upplýsingar settar á heimasíðuna, facebook og sendar á nemendur.

Í starfsmannakönnuninni Stofnun ársins varð MH í fimmta sæti á meðal ríkisstofnana með fleiri en 50 starfsmenn og hlýtur titilinn Fyrirmyndarstofnun. Meðaltal skólans var 4,33 sem er það sama og þær stofnanir sem lentu í þriðja og fjórða sæti en úrslitum réðu aukastafirnir. Í flokknum ánægja og stolt kom MH best út allra stórra stofnana með 4,66 í einkunn og einnig í flokknum sjálfstæði í starfi þar sem einkunnin var 4,63. Til hamingju MH.

Kennsla í viku 9 (19. - 23.október) verður áfram í rafrænu umhverfi eins og í viku 7 og 8. Við minnum á haustfrí sem verður föstudaginn 23. október og mánudaginn 26. október.

Kennsla í viku 8 verður með sama hætti og í viku 7.

Valvika hófst í dag og eru allar upplýsingar undir hnappnum Valvika á heimasíðunni. Valinu þarf að vera lokið fyrir miðnætti 12. október. Miðannarmat birtist í dag hjá nemendum sem eru fæddir 2004 eða seinna. Það er sýnilegt undir Námið og einkunnir og hafa foreldrar/aðstandendur þeirra fengið tölvupóst með leiðbeiningar um hvernig lesa á úr því. Föstudaginn 9.október verður frí frá kennslu og vonum við að þið nýtið daginn vel í það sem hentar ykkur best. Gangi ykkur sem best við námið og vonandi fáum við að hitta ykkur öll sem fyrst aftur. kv Helga Dear students Selection week started today and all information is under the button Valvika on the website. This has to be completed before the end of Monday the 12th of October. The midterm evaluation was published this morning and is in Inna under Study and Grades. Your parents/ guardians have received some instructions about it by email. On Friday the 9th of October there will be a break from teaching and we hope you enjoy the day off. We wish you the best and hope to see you all again very soon. regards Helga

Upplýsingar um breytt fyrirkomulag kennslu 5.-9. október eru undir COVID hnappnum á heimasíðunni. Nemendur eru hvattir til að kynna sér vel allar upplýsingar. Information about changed teaching arrangement from 5th to 9th of October can be found under the COVID button at MH homepage. Students are encouraged to read well all information.