Fréttir

MH er heilsueflandi framhaldsskóli og tökum við þátt í verkefnum því tengdu. Hér til hliðar má sjá nýtt logo verkefnisins.

BFTF er námstefna í Bandaríkjunum fyrir upprennandi leiðtoga þar sem þeim gefst færi á að kynnast ungu fólki víðsvegar að úr Evrópu og Bandaríkjunum, upplifa bandaríska menningu og menntaumhverfi. Allur kostnaður er greiddur fyrir þátttakendur. Allar upplýsingar um verkefnið og umsóknarferlið eru að finna á heimasíðu sendiráðs Bandaríkjanna https://is.usembassy.gov/education-culture/benjamin-franklin-transatlantic-fellowship/

Reykingar eru ekki leyfðar innan veggja skólans eða á skólalóðinni - sömu reglur gilda um rafsígarettur. Á heilsuvera.is má lesa sig til um rafsígarettur og einnig taka próf til að kanna hversu mikið við vitum um skaðsemi þeirra. Stöndum saman gegn notkun rafsígaretta og virðum tilverurétt nemenda sem ekki reykja.

Nemendur MH hafa nú aðgang að Office 365 hugbúnaðarpakkanum. Leiðbeiningar um uppsetningu er hægt að nálgast hér á heimasíðu skólans undir þjónusta

Þýska sendiráðið er að bjóða upp á ókeypis nemandasýningu í Bíó Paradís á myndina DAS SCHWEIGENDE KLASSENZIMMER (the silent revolution). Hún gerist 1957 í menntaskóla í austurþýskalandi og er byggð á sannsögulegum atburði. Myndin er með enskum texta og er ókeypis í kvöld kl 20 (og ef mætt er tímalega er boðið upp á pop og gos með). Í beinu framhaldi af þýskri mynd er svo hægt að fara á franska kvikmyndaviku sem stendur til 17. febrúar. Þýsku og frönsku kennarar í MH hvetja alla til að kynna sér þetta nánar.

Dagana 7. og 8. febrúar taka um 30 nemendur úr MH þátt í Háskólaherminumí HÍ. Þátttakendur heimsækja fræðasvið Háskóla Íslands og leysa ýmis verkefni. Eftir heimsóknina ættu þeir að hafa góða innsýn í námsframboð HÍ og hugmyndir um hvað nám á mismunandi sviðum felur í sér. Það kostar ekkert að taka þátt í Háskólaherminum. Nemendur fá hádegisverð báða dagana. Háskólahermirinn er hugsaður fyrir þá nemendur sem eru u.þ.b. hálfnaðir með nám sitt í framhaldsskóla. Góða skemmtun.

Nýlega var haldin Líffræðikeppni framhaldsskólanna. Þátttakendur voru 281 þar af 20 úr okkar skóla. Þeir 18 stigahæstu fara áfram í úrtökupróf sem haldið verður 15. mars, þar ræðst hverjir verða í landsliði Íslands sem fer í alþjóðlegu Ólympíukeppnina sem haldin verður í Szeged í Ungverjalandi í júlí 2019. Í 18 manna hópnum voru tveir MH-ingar þau Hafdís Ósk Hrannarsdóttir og Jón Klausen. Það verður spennandi að fylgjast með þeim.

Í dag afhenti foreldraráð MH nemendafélaginu borðtennisborð. Borðið mun án efa hafa mikið aðdráttarafl og hvetja nemendur til leiks. Hægt verður að fá lánaða borðtennisspaða og kúlur á bókasafninu. Takk fyrir þessa skemmtilegu gjöf !

Athygli er vakin á jöfnunarstyrki fyrir nemendur sem sækja nám fjarri lögheimili og fjölskyldu. Hægt er að sækja um styrkinn með rafrænum skilríkjum inn á www.lin.is og island.is Umsóknarfrestur er til 15. febrúar næstkomandi.

Föstudaginn 25. janúar kl. 11:00 er nemendum og starfsfólki skólans boðið í Hörpu á Sinfóníska dansa úr West Side Story í boði Sinfóníuhljómsveitar Íslands. MH-ingar munu fjölmenna enda frábær skemmtun í boði. Lagt verður af stað frá skólanum kl. 10:35 og verða rútur staðsettar á bílaplani vestanmegin við skólann. Nemendur mæta í tíma þar sem verður lesið upp og í kjölfarið farið í rúturnar. Áætluð heimkoma er um 12:15.