Fréttir

Sameiginlegt innritunartímabil framhaldsskóla fyrir nám á vorönn 2015 er dagana 1.-30. nóvember. Sótt er um á Menntagátt  þar sem finna má leiðbeiningar um innritun. Upplýsingar um námsbrautir MH eru hér.

Nemendur athugið. Próftafla ykkar er nú aðgengileg á Innu. Nemendur mega sækja um að hliðra próftöflu sinni ef: Tvö próf eru á sama tíma Þrjú próf eru á sama degi Ef tvö löng próf, lengri en ein klukkustund hvort próf, eru á sama degi. Ekki er leyft að breyta próftöflu vegna ferðalaga! Nemendur sem uppfylla ofangreind skilyrði geta sent Guðmundi Arnlaugssyni prófstjóra (profstjori@mh.is) tölvupóst fyrir föstudaginn 14. nóvember.

Í tilefni af degi íslenskrar tungu 16. nóvember mun Halldór Armand Ásgeirsson skáld halda stutt erindi og lesa úr nýrri skáldsögu sinni Drón í stofu 11 kl. 12.15 mánudaginn 17. nóvember. Halldór er gamall MH-ingur, var í Morfísliði MH og var  t.d. valinn Ræðumaður Íslands árið 2006. Hann þjálfaði líka Morfíslið MH í mörg ár.  Allir velkomnir!  

Dagana 16. til 20. október fara nemendur og stafsmenn skólans í haustfrí. Skólinn er lokaður þessa daga. Skrifstofan verður opnuð aftur þriðjudaginn 21. október kl. 8:30.

Lárus H. Bjarnason rektor skrifar: Nú er komið að leiðarlokum öldungadeildar Menntaskólans við Hamrahlíð.  Ákveðið hefur verið að leggja deildina niður um áramótin 2014 – 2015.  Ástæðurnar eru annars vegar sífellt þverrandi aðsókn og hins vegar nýleg ákvörðun yfirvalda í tengslum við fjárlagagerð næsta árs um að leggja af fjárveitingar til þeirra sem leggja stund á nám til stúdentsprófs og hafa náð 25 ára aldri. Með þessu er rekstrargrundvöllur kvöldnámsins í MH algerlega brostinn og skólanum er nauðugur einn kostur að hætta þeirri starfsemi. Stjórnendum MH þykir miður gangvart núverandi nemendum deildarinnar að þurfa að tilkynna þetta með svo knöppum fyrirvara. Ekki er útilokað að unnt verði að greiða úr málum sumra með því að bjóða þeim setu í einstaka áföngum dagskólans á komandi vorönn.

Nú eiga allir nemendur sem hyggja á áframhaldandi skólavist í dagskóla á vorönn 2015 að hafa lokið vali.

Vali fyrir vorönn 2015 lýkur í dag mánudaginn 13. október. Þeir sem ekki eru búnir að velja verða að gera það strax í dag!

Nú er komið að vali áfanga fyrir vorið 2015 Valið hefst í dag þann 6. október og á að vera lokið þann 10. október. Leiðbeiningar um framgang valsins og áfangaframboð hefur nú þegar verið sett á heimasíðu MH. It is high time to select courses for the spring term 2015 Starting today October 6th you can enter the courses of your choice for next term. The last day to select is Wednesday October 10th. Instructionsand áfangaframboð /available courses for the next term are now to be seen on our homepage.

Aðalfundur foreldraráðsins verður fimmtudaginn 2. október í stofu 11 kl. 20-21:30. Á dagskrá eru venjuleg aðalfundarstörf, skýrsla stjórnar og kosning stjórnar. Fræðsluerindi er frá Páli Ólafssyni félagsráðgjafa og sérfræðingi hjá Barnaverndarstofu, sem fjallar um samskipti foreldra og ungmenna. Allir foreldrar nemenda í MH er velkomnir.

Hjólum í skólann árið 2014 stóð frá 12. – 16. september. Alls tóku 19 framhaldsskólar þátt í ár, en það er tveimur fleiri skólum en árið 2013. Þátttakendur voru alls 1.236 og hjólaðir voru 12.528 km eða 9,36 hringir í kringum Ísland. Menntaskólinn við Hamrahlíð vann gullverðlaun í flokki skóla með yfir  1000 nemendur og starfsmenn. Vel gert MH-ingar!