Fréttir

Í dag 16. ágúst kl.16.00 verða stundatöflur aðgengilegar á Innu.Upplýsingar fyrir eldri nema.Upplýsingar fyrir nýnema.Mjög áríðandi er að þú gangir frá töflubreytingabeiðni strax. Ef töflu er breytt kemur það fram í Innu.

Skólasetning verður miðvikudaginn 22. ágúst kl. 8:30 og að henni lokinni hefst kennsla samkvæmt stundaskrá.Nokkrum dögum fyrr er opnað á aðgang nemenda að stundatöflum í Innu. Einungis þeir nemendur sem greitt hafa skólagjöld fá stundatöflur.Nýnemar eiga að mæta á hátíðarsal skólans kl. 13:00 mánudaginn 20. ágúst.

Laugardaginn 26. maí voru útskrifaðir 154 stúdentar frá skólanum, 140 úr dagskóla og 14 úr öldungadeild. Við þökkum þeim samfylgdina á undaförnum árum og óskum þeim velfarnaðar. 

Margir nemendur nýta sér góða aðstöðu á bókasafni skólans nú þegar próflestur stendur sem hæst. Safnið  er opið alla prófdagana og þar er til ítarefni í öllum námsgreinum og gott næði til lestrar.

Fyrstu próf dagskóla á þessu vori eru í ensku og heimspeki en í öldungadeild í landafræði, náttúrufræði (jarðfræði), sálfræði og spænsku. Próftöflu, prófreglur og nánari upplýsingar um prófin má finna með því að smella á flipann Námið á stikunni hér fyrir ofan.  

Brautskráning stúdenta fer fram á hátíðarsal skólans, Miklagarði, og hefst stundvíslega kl. 14:00. Stúdentsefni eiga að mæta kl. 13:30. Gera má ráð fyrir að athöfnin taki u.þ.b. tvo klukkutíma en að henni lokinni mæta stúdentar í myndatöku á Miklagarði. 

Einkunnir nemenda eru nú aðgengilegar í Innu.

Nemendur í frönsku 703 hafa skrifað áhugaverðar greinar í evrópskt netblað frönskukennara undanfarnar annir. Viðfangsefni þeirra er ýmislegt tengt landi og þjóð. Ein greinin fjallar til dæmis um íslenska stjórnmálaflokka og gaman að rýna í heiti þeirra á frönsku. Hvaða flokkur skyldi t.d. heita "Les verts de gauche" eða "L'Alliance du Peuple" nú eða "Le Parti de l'Indépendance"? Greinarnar um Ísland hafa slegið svo í gegn að umsjónarmenn blaðsins eru ólmir í að koma til landsins.Þeir sem vilja kíkja og ef til vill láta reyna á frönskukunnáttu sína finna blaðið hér.

Í morgun buðu stúdentsefni starfsfólki skólans í glæsilegan morgunverð á Matgarði. Þau kvöddu síðan skólann með skemmtun á sal um hádegisbilið og leggja nú í próflestur.